Holocausto ye que charres
Trucan a puerta atra vegada de nueitz
deshora os míos suenyos un zunyo de voz
carrusclan como puertas pillando uns didos
se clava en os oyius sangrando o papel.
Escupo como dengún mirando que leixos
remate a ixafegada d’o revés.
As ciegas parolas cubiertas de pels
rabanyos d’orcos besando os suyos pietz
Entonan cancions d’unión por despeito
o cuello en sentir-lo se quier trencar.
Miré y trobé a la fin un plan
creye-me si sé que no bi ha en do gratar
Arribo asinas como qui no fa cosa
y entre os dients pretando con rasmia
a piel, a voz, a set,
a esencia muerta a balazos
empuerca a paret.
