O 116
Se ponno spusà ddoj'aneme sincere,
nun ce stanno impedimenti:
nun è ammore chillo ca cagna quanno s'accorge 'e fatte nuove
ca se chiude si chill'ato se retira.
No, è 'na luce ca sta sempe appicciata
guarda 'e tempeste e maie vene tuccata;
l'ammore è na stella p' 'e vvarche sperze a mmare
'a tuocche nun saie maie quanto vale.
Nun è 'a pazziella d' 'o tiempo,
pure si facce e vocche le moreno 'nzino
ll'ammore nun cagna dint' a n'ora o 'na semmana
ma resiste fino all'urdemo suspiro.
Si sto sbaglianno, e me ne date prova,
io nun aggio maie scritto e nnisciuno maie ha vuluto bene.
Autor(es): William Shakespeare, Gianni Lamagna
