A Nanni Sulis

Claudio Gabriel Sanna

Nanneddu meu, su mund’ est gai
a sicut erat no torrat mai
semus in tempos de tirannias
infamidades e carestias

Como sos populos cascant che cane
gridende forte:” Cherimus pane”.
Famidos nois semus pappande
pan’e castanza, terra cun lande

Terra ch’a fangu torrat su poveru
senz’alimentu, senza ricoveru
B'est sa fillossera, impostas, tinzas,
chi nos distruint campos e binzas.

Undas chi falant in Campidanu
trazan tesoros a s'oceanu.
Cixerr'in Uda, Su Masu, Assemene,
domos e binzas torrant a tremene

Semus sididos in sa funtana
pretende s’abba parimus ranas
Peus su famene chi forte sonat
sa janna a tottus e non perdonat.

Avvocadeddos laureados
bussacas boidas, ispiantados
in sas campagnas pappana mura,
che crabas lanzas in sa cresura.

Adiosu Nanni, tenedi contu,
faghe su surdu, ettad’a tontu.
A tantu, l’ides, su mund'est gai:
a sicut erat non torrat mai.